At tulad nga ng sinabi ni Benjamin noong nakaraang linggo. Agad-agad na silang bumaba sa baguio at umuwi sa tarlac matapos masulit nito ang pamamasyal. Gusto mang magpa-iwan ni Miyanna roon ay hindi pumayag si Benjamin dahil nga delikado raw doon sa tuwing tag-ulan. Kaya heto siya ngayon at nakikipagtitigan sa mga malago at makakapal na damong nasa bakuran niya.
"Bakit ba kayo ang parati kong hinaharap sa tuwing bagong dating ako sa bahay na ito?"
Abala siya sa pakikipag-buno sa mga damong iyon ng may bigla na lamang siyang nahugot na bulate kaya napatili siya ng malakas at sa sobrang gulat nga ay pabagsak na napaupo siya sa may semento. Takot kasi siya sa bulate at talagang tumatayo ang balahibo niya kapag nakakakita siya ng ganoon. Pakiramdam niya kasi ay gumagapang iyon sa buong kataw
