"Ate, taghali na, bumangon ka na riyan dahil kakain na," dinig ni Miyanna na tawag sakaniya ng kapatid na si Dale sa labas ng kwarto.
"Mamaya na lang ako kakain. Hindi pa ako nagugutom."
"Inampalayahang manok na naman ang ulam. Umay na umay na nga ako, eh pero hindi naman ako nagrereklamo kaya bumangon ka na lang diyan masamang nagpapalipas ng gutom," pangungulit pa rin nito na may halong panunumbat kaya naman napilitan na lamang tumayo ang dalaga.
"Bakit sa akin ka nagrereklamo, ako ba nagluluto?" masungit na sambit pa niya ng mapagbuksan ng pinto ang kapatid.
"Hindi naman kaya ako nagrereklamo. Paborito ko na nga rin iyon, eh. Baka nga bukas makita mo na lang na may pakpak na ako o kaya ay tumitilaok na," sarkastikong sagot pa ng kapatid habang may nakakalokong ngiti sa mga labi. Ini
