"Ang tagal din nating hindi nagawa ito," nakangiting sambit ni Benjamin habang nagiikot sila ni Miyanna sa SM Tarlac at kasalukuyang tinatahak ang daan patungo sa paboritong spot ng dalaga sa mall. Ang kpop album store.
"Oo nga, eh. Naalala ko pa noong nasa college pa lang tayo. Parati tayo rito para mag window shopping lang dahil wala naman tayong maraming pera pambili ng lahat ng gusto natin," nakangiting sambit naman ni Miyanna habang inaalala ang nakaraan.
Malapit lang kasi iyon sa unibersidad na pinapasukan nila noon kaya naman doon talaga ang tambayan nilang mga studyante kapag nagpapalamig at nagpapalipas ng oras.
"Hindi ko rin talaga makakalimutan ang itsura mo noon sa tuwing lumalabas tayo sa national book store at sa kpop album store kapag may nakita kang gustong-gusto mo pero
