EPISODE 43:
"Aaahh!"
Napapikit na ako sa sobrang sakit ng buong katawan ko ngayon. Hindi ko naman akalain na mukhang ngayong araw pa ako manganganak dahil ang due ng pregnancy ko ay dapat sa susunod na araw pa.
"Rose? Rose, anong nangyari—jusmeyo!" Biglang natigilan si Cha nang makitang may dumudugo na sa pagitan ng mga hita ko. “Senyorito!!!” buong lakas na sigaw nito.
Walang ilang segundo ay dumating na rin si Hadji na tarantang-taranta na rin. Habang nagkakagulo sila sa paligid ko, pinipigilan ko ang sarili kong mag-panic at baka mawalan pa ako ng malay. Ayoko rin kasing maging pabigat pa sa kanila at halos ilang buwan na rin nila akong inaalagaan.
“Get the car! Hurry!” sigaw ni Hadji.
Maya-maya pa ay nagulat na lang ako nang bigla niya akong buhatin at dali-dali na kaming lumabas
