EPISODE 18:
Bago ako tuluyang lumabas sa gate ng bahay ng mga Calixto, lumingon muna ulit ako sa huling sandali. Nasulyapan kong nakatayo sa bandang terrace sa second floor si Senyorito Hadji habang nakatingin sa akin.
Ngumiti na ako sa kaniya at kumaway. He waved back at me kaya tuluyan na akong umalis. Kahit na sa kabilang bahay lang ako titira ay sobrang lungkot pa rin ang pakiramdam ko—takot din ako sa mga susunod na pangyayari dahil alam kong wala ni isa sa mga Montesilva ang may gusto sa akin.
“Bilisan mo!”
Napatingin na ako sa matrona habang nakasunod ako sa kaniya. Nang makapasok na kami sa loob ng mansiyon, puro mga kasambahay rin ang sumalubong sa akin sabay kuha ng mga gamit ko. Ilang araw ko na kasing hindi nakikita si Sir Benedict at pagkatapos nilang sabihin na ikakasa
