[Athena’s]
Kinabukasan ay tinanghali na naman ako ng gising. Kung hindi pa ako ginising ng kambal ay hindi pa ako magigising at babangon sa kama. Sobrang napasarap ang tulog ko lalo na at umulan pa kagabi. Ngayon ay mataas na ang sikat ng araw pero mukhang hindi iinit ng todo dahil ang sabi ni Nanay Lydia kagabi ay may bagyo raw na paparating.
“I want to meet Sydney! When are we going to meet her, Daddy?”
Pababa na ako ay narinig ko ang tanong ni Alas kay Kit. Nakayuko siya at mukhang inaayos ang sintas ng sapatos kaya kumunot kaagad ang noo ko.
Is he going somewhere again?
“Some other time, Alas. Daddy has to work. I'll introduce you and Kali to her later…” narinig kong sagot ni Kit bago tumayo.
Tsaka ko lang nakita na bihis na bihis na nga siya at mukhang papasok nga sa opisina.
