Umaga na nang makauwi ako, inihatid ako ni Elthon. Pagdating ko sa apartment ay bigla akong kinabahan at sising-sisi ako sa aking ginawa. May nobyo na ako, hindi ko na dapat iyon ginawa!
Napakarami ko ng kasalanan kay Kevin. Nagi-guilty ako.
"Okey ka lang?" Tanong ni Rosa sa akin habang kaharap itong kumakain. Gaya ko ay umaga na rin itong dumating, nauna lang ako sa kanya.
"Oo, masakit lang ulo ko." Pagsisinungaling ko, iniisip ko lang ang kataksilan na aking nagawa.
"Uminom ka ng gamot pagkatapos nating kumain." Ani nito at tumango lang ako.
Nagpatuloy lang kaming kumain hanggang sa nagsalita na naman si Rosa.
"Rosette, last week ko na rito sa apartment, magsasama na kami ng boyfriend ko." Giit ni Rosa, nahagit ko ang aking paghinga, ito ba iyong dinalhan niya ng chicken c
