Blue's POV
Masuyo kong tinitigan ang aking mate. Sobrang lalim ng tulog niya. Marahil, dahil sa pagod kanina.
Hindi talaga nakakasawa ang mukha niya. Sobrang amo at inosente. Hanggang ngayon ay palaisipan parin sa akin kung bakit siya ang naging mate ko. Marahil ginawa ito ng diyosa ng buwan para matutunan kong patawarin ang mga tao na naging dahilan ng aking pagdurusa.
"Tao, mamaya ko na ibabalik ang katawan mo. Gusto ko pang makasama ang aking mate" bulong ko kay Lenard na alam kong nasa loob lamang.
Narinig ko ang pag-ismid nito pero hindi nagsalita. Tahimik akong nagpasalamat.
Dumako ang aking paningin sa kanyang impis na tyan at marahan itong hinawakan. Ibang ligaya ang aking nararamdaman habang naiisip ko ang munting anghel na naroon.
Ang aking anak....
Muli kong ibinalik ang
