Napapasinghap si Savannah nang maalala ang nakaraan. "Nagkamali ba ako ng desisyon?" maang na tanong sa sarili. May part kasi sa isipan na siya ang pumili sa buhay na meron siya ngayon kaya bakit niya isisisi kay Adonis.
Muli siyang bumuntong-hininga at pilit na inaalis ang pakiramdam na kasalanan pa niya kaya siya nasa ganoong sitwasyon.
Napayakap lalo siya sa sarili nang mag-ring ang kanyang cell phone. Dali-dali siyang pumasok sa kanyang silid upang sagutin ang tawag.
Ilang malalim na paghinga ang kanyang ginawa nang makita kung sino ang natawag. Ayaw niya sanang sagutin kaya lang baka mas lalo siyang paghigpitan nito.
"Hello, honey, what's up?" bulalas na tugon sa lalaking nasa kabilang linya.
"What took you so long," anang ng boses ng lalaki.
"May ginagawa lang ako," sagot niya
