“Tito Bogart ano po ang illegal na gawain ni Kapitana?”
Tanong ko sa lalaki na ngumisi habang nakatingin sa akin ng nakakaloko.
“Jueteng, sabong, sugalan, shabu, mga illegal na pagpuputol ng mga puno at marami pang iba tulad ng pagkamkam ng hindi niya lupa.”
“Salamat po.”
“Kung ano man ang iniisip mo bata, tawagan mo ang iyong tatay. Hindi basta-bastang tao dito si Kapitana.”
Tumango lang ako at hindi na muli pang umimik. Pagkatapos namin kumain ay sumama sa akin si Luis sa silid ko.
“Kuya, anong plano mo?.”
“Tawagan mo si tatay, sabihin mo sa kanya ang lahat.”
Mabilis kumilos ang aking kapatid at tinawagan nga ang aming magulang. Nakikinig lang si Luis at tanging opo lang ang sagot sa aking ama.
“Kuya, kakausapin ka daw ni nanay.”
Nakasimangot ako dahil bakit si nanay?
