Kabanata 26
ISANG MALAKAS na hagulgol ang maririnig mula kay Freya. Pagkatapos niya umalis sa harapan ni Trevor at iniwan ito ay doon siya napahagulgol ng malakas. Kanina pa niya pinipigilan ang emosyon niya. Kaya naman hindi na kataka-taka na bigla na lamang siya sumabog pagkatapos ng mga narinig niya sa lalaki.
Mahal niya si Trevor. Pero wala ng saysay ang pagmamahal na ‘yon sa kanya ngayon dahil sa mga nangyari. Walang magandang idudulot kung sasabihin niya rin na mahal niya ito kahit ano pang ugnayan ang mayroon sila. Lalo lang magiging kumplikado ang lahat.
Nang oras na iyon ay gusto na naman niya sabihin ang lahat kay Trevor pero naalala niya si Leo at ang mga dinanas niyang paghihirap. Kahit anong gawin niya na kalimutan ang bagay na ‘yon, para iyong isang multo ng kahapon na
