Aoife
Hindi lang gulat ang nararamdaman ko para sa mga rebelasiyon ng dating hari. Gaano man kasama ang ginawa ni Dolion ay hindi ko pa rin maiwasang makaramdam ng simpatya sa kanya.
Alam kong kahit pa hindi sabihin sa akin ni ina na si Dolion ang ama ko ay makakaramdam at makakaramdam pa rin ako ng awa sa kanya. Kahit sino naman sa amin ay naantig ang puso at nagpapakita ng simpatya sa mukha nang malaman na namin ang mga ginawa ng hari na siyang mayroon din namang kontribusiyon si ina sa nangyari.
Alam kong marami pa silang hindi sinasabi sa amin. Sana nga ay isikreto na lang nila 'yon dahil pakiramdam ko ay hindi ko na kakayanin kapag nakarinig pa ako ng kwento ng mapait niyang nakaraan.
Hindi naman sa kinakampihan ko siya ngunit ayaw ko rin namang iparating na hindi balido ang kan
