Aoife
Sa bisig ko oh munting bata ikaw ay magpahinga
Nawa'y sa piling ko'y tumahan ang pusong nagugulumihanan
Ang bigat na nararamdaman pwede mo sa akin ipasan
Tahan na bata, mahal na ni ina
Sa kalagitnaan ng kanta ni Nadetta ay unti-unti akong kumakalma. Mula sa hagulgol ay naging hikbi na lang.
Ang kantang ito ang siyang laging kinakanta sa akin ni ina. Sa tuwing hinehele niya ako noong sanggol pa lamang hanggang sa pagpapakalma nang ako ay lumaki. Sa ilang taong namuhay ako sa takot sa malagim na pangyayaring 'yon ay ang malambing na tinig ni ina ang siyang kapayapaan ko.
Pero ngayon ay wala na siya. Nakaramdam ako ng kurot sa puso dahil sa naisip. Labis na akong nangungulila sa kanya...
Hindi ko na nagawang idilat pa ang mga mata ko, siguro ay pagod na sa kakaiyak. Naramdama
