Aoife
Hindi ko mapigilan ang sarili kong magmukhang ignorante sa katitingala sa mga iba't ibang ilaw galing sa iba't ibang parte ng maliwanag na gusaling ito. Hindi talaga mapagkakaila ang galing ng mga tao sa larangan ng teknolohiya.
Sa mundo namin ay walang ganito.
Sa bagay, hindi ko pa naman nalilibot ang mundo namin. Palagi naman kasi akong abala sa pagtulong sa mga diwata. Saka lang ako nakalalabas ng Zimorta kung isinasama ako ni ina sa mga pagpupulong na kanyang dinadaluhan ngunit hindi ko rin naman magawang maglibot-libot.
Kaya, ang laging ilaw lang sa mga mata ko ay ang ilaw na nagmumula sa buwan at bituin. Sa ilang mga pagkakataon ay ilaw ng mga makukulay na lampara ngunit hindi kasing tingkad ng nakikita ko ngayon.
Abala ako sa pagbubusog ng mga mata ko nang bigla akong
