Aoife
Pagkatapos ng isang mahabang katahimikan sa gitna naming tatlo ay ako na ang unang nagsalita. Gustuhin ko mang makalaman pa ng iba pang detalye ngunit pakiramdam ko'y hindi na kakayanin pa ng utak ko kung pipilitin ko pa itong siksikan ng kung ano-ano.
"Lumalalim na ang gabi. Kailangan na rin naming umalis, Debi," pagpapaalam ko na sinang-ayunan nanamn ni Ethan.
"Maaari na kayong gumawa ng lagusan niyo rito sa loob at nang wala nang makakita sa inyo sa labas," pagpresenta ni Debi kaya 'yon nga ang ginawa namin.
Nang makarating kami sa kwarto ni Ethan ay saka ko pa lang napagtanto na wala pala akong mapupuntahan ngayon. Nagsulat ako ng liham kay Nadetta na hindi ako makauuwi. Tiyak na iinterogahin ako no'n kung sakaling mag-iibang bigla ang pangyayari.
Isa pa ay nasabi ni Eth
