Aoife
"Saan nila siya dadalhin, Bellona?" nag-aalala kong tanong nang tila kinaladkad na nila siya papunta sa kung saan.
Hindi man lang nila inayos ang pagbubuhat sa kanya dahilan para gumusgos ang mga sapatos at tuhod niya sa lupa. Hindi ba nila ikinokonsiderang prinsipe ang bitbit nila?
"Into the palace dungeon - his second punishment," pagbibigay impormasiyon ni Bellona.
"Ano na naman kaya ang dadanasin niyang hirap doon?" hindi na lamang basta nag-aalala ang boses ko kung hindi ay nababahala na.
Nakukuryoso na kasi ako sa posible pa nilang gawin sa kanya lalo na at hindi ko ito nakikita. Sa katunayan ay hindi ko nga alam kung anong mas maganda: ang nakikita siyang nahihirapan o ang alam kong nahihirapan siya ngunit hindi ko nakikita.
Pareho namang masakit para sa akin ngunit
