Aoife
Ang hirap huminga dahil sa umuusok na tensyon dito sa loob. Maging ang paghikbi ko ay hindi ko na rin makontrol dahil sobra-sobrang kaguluhan ang nangyayari sa loob ng utak ko.
Sana nga ay mapagtyagaan pa ni Debi na siya ang ginawa kong unan na iniiyakan.
Naririnig ko pa ang mga nangyayari ngunit dahil sa nag-uumapaw ba emosyon ay hindi ko na ito nakayanan pang iproseso sa utak ko. Nang sabihin niyang kilala niya ang akong ina ay isang malaking palaisipan na ang iniwan niya sa akin kaya hindi ko na kaya pang intindihin ang iba pa niyang sinasabi.
Napapagod na rin ako sa lahat ng pag-iyak. Ang mga tuhod ko ay nanginginig na. Kung wala si Debi, baka kanina pa nakatikim ng halik mula sa akin ang semento.
Gusto ko nang lumayo sa lugar na ito. Gusto kong lumayo mula sa kanilang l
