CAMILLA
"Bitawan n'yo ako! Hindi ako ang totoong magnanakaw! Sinet up ito! Camilla, umamin ka na! Inggit ka lang sa akin kaya mo ako pinagbintangan!" Sigaw ni Violet.
Nagmistulang club ang presinto sa dami ng mga entertainers at sawsawerang sumunod sa amin nang mabalitaan nilang nahuli si Violet.
Yakap-yakap ako ni Tonio habang pinipilit naming makapasok sa maliit na pintuan ng presinto. Ang daming mga taong nakaharang at nakiki-usyoso.
"Camilla! Ikaw ang may pakana nito!"
"Matagal na naming kilala si Violet! Haliparot 'yan pero hindi magnanakaw!"
"Huwag ka nang babalik pa sa club! Napakasama ng ugali mo!"
Kanya-kanyang bato ang mga entertainers ng komento sa akin. Nanatili akong nakayuko at hindi kumikibo dahil kahit na ano pang gawin kong pagpapaliwanag, sarado na ang utak ng mga
