Nagising ng umaga si Leslie sa ingay sa labas. Nainis siyang kung kailan saturday na walang pasok at pwede sya matulog ng matagal ay may mambubulahaw naman sa kanya.
Bumangon sya at binuksan ang pinto. Napansin niya ang nakaparadang van sa tapat ng gate nila. Naririnig nya ang mga boses ng mga nandoon at pamilyar ang mga yun sa kanya. Pagbukas ng gate ay nabungaran nya si Dexter.
"Oh bat hindi ka nakabihis?" Tanong ni Dexter nang makita siyang suot ang pajama.
"Bakit san tayo pupunta?" Napatingin sya sa nakabukas na pinto ng van at nakita doon ang mga kaibigan ni Dexter.
"Hi Leslie!" Bati sa kanya ni Suzet na nasa pintuan ng van.
"Sasama ka ba?" Tanong naman ni Ana.
"Saan?" Takang tanong ni Leslie.
"Diba sinabi ko sayo na mag a-outing tayo sa batangas."
Natigilan siya sa sinabi n
