“KEIFER”
UMATAKE na naman ang pagiging pilya ni Olive. Kung anu-ano na naman ang naiisip niya ngayon. Pinagpapanggap niya akong babae para tanggapin ako ng landlady nila sa dorm nila. Iyon na yata ang pinaka nakakabaliw na suggestion na narinig ko. Baliw na yata siya katulad ni Claire. Naiisip ko nga, hindi kaya may dual personality disorder ang pinsan kong iyon? Minsan seryoso, minsan naman maloko. Tulad ngayon. Bahala siya. Hindi ako magpapanggap na babae! Okey lang na magpanggap ako na high school pero ang maging babae? Kalokohan!
“You have no choice, Keifer. Kailangan mo talagang magpanggap na babae para pagtaguan si Claire. Sabi mo nga, parang seryoso siya sa banta mo. At saka, gusto ko rin ito. Masyadong boring sa dorm at school. Hindi ko na nabibisita ang mga dolls ko sa bahay, eh
