MADILIM na ang paligid nang makarating kami sa kampo ng ORBIT dito sa paanan ng Mt. Makiling. Ang buong akala ko ay aakyatin pa namin ang Mt. Makiling, bago marating ang kampo. Pero dito lang pala sa paanang bahagi ng Mt. Makiling ang pupuntahan namin. May ilang bahay na nakatayo sa lugar na ito at naka kulong sa mataas na bakod, para maging safe ang buong paligid. Ito ang nagsisilbing tirahan ng mga sundalo ng ORBIT na naka assigned dito sa kampo. May mga nakatira din mga katutubo dito sa loob, tila nagtatrabaho ang mga ito sa Kampo kaya dito na rin sila pinatira. May ilang sundalo ang sumalubong sa amin. Sila ang nag guide sa amin sa bahay na tutuluyan namin.
Simple lang ang bahay na nakalaan para sa amin. Papag lang din ang hihigaan namin dito. Tanging banig lang ang sapin nito. May t
