PABABA AKO ng hagdan ay makita ko na si Chief na nakatayo sa may punonghagdan. Hindi siya mapakali sa kanyang kinatatayuhan. Kahit nakatalikod siya sa akin ay alam kong kinakabahan siya habang naghihintay sa akin. Nakita ko pa ang ginawa niyang paghila sa jacket na suot niya, at inayos nito ang kanyang collar.
Napatigil ako sa kalagitnaan ng hagdan, para muling ayusin ang aking damit. Muli din akong nakaramdam ng matinding kaba, at tila biglang uminit ang aking pakiramdam, dahil sa biglang pagsagi sa isipan ko ang ginawang paghalik sa akin ni Chief kanina. Bigla akong nahiya na magpakita sa kanya. Parang gusto kong muling bumalik sa loob ng kuwarto ko at magtago na lang sa kanya.
Habang tinititigan ko siya ay bigla kong napansin ang maganda niyang tindig. Bagay na bagay sa kanya ang suo
