Blake
Halos paliparin ko na ang sasakyan makarating lang sa pinagdalhan kay Alexene. Kapag may nangyaring masama sa mag-ina ko ay wala akong ibang sisisihin kundi ang sarili ko dahil wala ako roon nang mangyari iyon sa kanila. Nagkataon pang traffic ang dadaanan ko kaya naman paulit-ulit akong napapamura. Halos inabot din ako ng trenta minutos bago nakarating sa ospital.
Dali-dali akong nagpunta sa emergency room ngunit hindi ko sila nakita. Tinatawagan ko rin si Manang Elvie ngunit walang sumasagot. Minabuti kong magtanong na lamang at sinabi ko ang pangalan ni Alexene. Nagtaka pa ako dahil sa isang kuwarto ako dinala. Marahil ay hindi ko na inabutan ang kung anong ginawa nila kay Alexene dahil nga natagalan pa ako.
Pigil-hininga ako bago ko marahang itulak ang pinto ng room 206. Nasil
