Nang sumunod na araw ay nagdesisyon si Dylan na huwag na munang puntahan o kulitin si Alexene. Alam niyang sobrang sakit para kay Alexene ang mga nalaman nito at gusto niya lang sanang nasa tabi siya nito. Ngunit paano nga naman talaga kung isa siya sa dahilan ng ikinagagalit nito...
Nang maisuot na ni Dylan ang kulay krema na coat nito ay mabilis na siyang lumabas at sumakay sa kaniyang sasakayan. Pupunta siya ngayon sa kumpanya ng mga Adams, kumpanyang puwede ring mapunta sa kaniya lalo pa at siya na ang itinalaga ng ama niya.
Mag-iisang oras din ang ibinyahe ni Dylan bago nakarating. Mabilis na siyang dumeretso sa kaniyang opisina hindi tulad dati na pumupunta pa siya sa opisina ng ama upang ipaalam na nandoon na siya. Ngayon kasi ay nagpapahinga ang ama simula nga noong itakbo nila i
