Halos paliparin na ni Blake ang sasakyan nito makarating lang kaagad sa kanilang bahay. Noong una'y sinusubukan niya pang intindihin ang kaniyang ama subali't sa sandaling malaman niya na ang sariling ama nga ang nagbigay ng impormasyon sa mga sinabi ni Dylan ay hindi niya alam kung matatanggap niya pa ang ama. Mula pagkabata ay ang ama na ang nakasama niya dahil matagal bago niya ulit nakasama ang kaniyang ina. Kaya naman gusto niyang kumbinsihin ang sarili na hindi ang ama ang nagsabi niyon kay Dylan.
Nang makarating na siya sa kanilang bahay ay mabilis na rin siyang bumaba.
"Dad!" malakas na pagtawag niya sa kaniyang ama.
"Naku, senyorito, wala pa po sila," ang katulong ang sumagot kay Blake.
Napatingin si Blake sa kaniyang relo at bahagyang kumunot ang kaniyang noo dahil pasado ala
