"Kuya!"
"Luis!"
Sabay na hintakot na bulaslas nila Jerwin at Gelaine nang bumungad ako sa pinto ng aming bahay. Patakbo rin silang lumapit sa akin ngunit pareho naman silang hindi alam kung saan ako hahawakan.
Una akong napatingin sa kapatid ko. Nabasa ko ang awa at galit sa kanyang mukha. Nang kay Gelaine naman bumaling ang aking mga mata ay nakita ko ang pamumuo ng mga luha sa kanyang mga mata.
"Okay lang a--ko." Muntik na akong mapapiyok nang magsalita ako. Umalalay ang kapatid ko sa akin nang maglakad ako patungo sa aming lumang sofa.
"Kukuha lang ako ng bimpo, tubig at gamot." Pagpapaalam sa aming magkapatid ni Gelaine. Ilinagay nya muna si Lui sa crib nito at binigyan ng laruan upang hindi ito humabol sa kanya at saka sya pumunta sa may kusina upang kunin ang mga sinabi nya.
"M
