Mabilis na lumipas ang dalawang buwan, nagrelease na ng class cards ang kanilang gurong si Mr. Mañalac at inanunsyo ang mga topnotchers sa klase. Gaya ng inaasahan, si Myra dela Torre na naman ang nanguna sa klase,at ang ikinagulat ng lahat pumangalawa dito si Abigail Montablan at pangatlong muli si Kenzo Borromedo. Ang dating pumapangalawa sa kanilang seksyon ay lumipat na ng eskwelahan matapos magpasya ang mga magulang nito na magmigrate na sa Canada upang doon ituloy ang pag aaral. Kahit pa pumangatlo lamang si Kenzo wala siyang pakialam,bagkus ay lalong tumaas ang paghanga niya kay Abigail, walang pagsidlan ng kasiyahan ang binata sa tinamong kapalaran ng dalagita. Kahit pa nanguna si Myra ay naiinis itong pagmasdan na nang banggitin ng guro ang pangalan ni Abie ay pa
