Leo’s Point of View
“Nasaan si Clastine?” tanong ko kay Yukino na harap-harapan akong minamanmanan. Kitang-kita ko ang pagtitig niya sa akin mula ulo hanggang paa.
Hindi ko tuloy mapigilang maasiwa sa ginagawa niya, pero hindi ko na lang pinahalata. Hindi ko na lang masyadong pinansin ang ginagawa niya, dahil sa tingin ko’y ito ang unang beses niyang makakita ng isang tao nang malapitan.
“Yukino, nasaan si Clastine?” pag-uulit ko nang hindi ito sumagot sa akin.
“Nasa kabilang panig ng lugar na ito,” sagot niya.
Akmang maglalakad na sana ako nang pigilan niya ako sa pamamagitan ng pagdipa. “Hindi ka pwedeng pumunta roon. Mahigpit na ibinilin sa akin ng masungit na spirit na dito ka lang hanggang sa gumaling ang kasama mo,” sambit niya kaya napakunot ang noo ko.
“Anong ibig mong sa
