Narrator’s Point of View
Hindi makapag-isip nang maayos si Clastine habang pinagmamasdan ang isang god candidate na itinututok ang hawak nitong malaking espada sa kanya. Hindi gaya sa kanya, ay bakas sa mga mata ng lalaki ang walang pag-aalinlangan. Kitang-kita niya na hindi ito magdadalawang isip na paslangin siya.
Agad siyang umatras nang pumosisyon ito para umatake. Ilang lundag ang ginawa niya para makalayo lang sa kinatatayuan nito. Hindi niya alam kung lalaban ba siya o tatakbo, pero kapag ginawa niya kasi ang huli ay maaari niyang madala ang mga ito sa kinaroroonan nila Amara at Leo, na siyang ayaw niyang mangyari. Kaya nga niya hinabol ang mga ito upang mailayo sa mga kasamahan.
Malikot ang mga mata ng dalaga habang naghahanap ng maaaring malusutan o hindi kaya’y matakbuhan kung
