Pagsapit ng alas kwatro sa hapon nagising si Uriel. Mabigat sa una, pero pinilit niya. Medyo nahihilo pa ang paningin niya hanggang sa naging malinaw ito.
Nasa kwarto pa rin siya. T-teka... bakit may malamig na bagay sa noo niya. Kinuha niya ito at nakitang isa iyong bimpo.
“Huh?” Sino ang naglagay nito sa kanya? Napatingin siya sa paligid ng silid at nakita ang isang tao na nakatulog sa maliit n’yang malambot na upuan.
Si Rona? Si Rona ba ang nag-alaga sa kanya?
Naalimpungatan si Rona at nagising ang una n’yang nakita ay ang gising na si Uriel. Kumurap-kurap pa ito na tila ba ay nanaginip siya na gising na si Uriel.
“Gising ka na?” tanong niya.
Napatango ang dalaga at umubo.
“Hindi ba ako hinanap? O pinagalitan?”
Napabalikwas si Rona sa mula sa upuan at agad na hinawakan ang noo n
