PRINSESA PRIYA
Nang magsara na ang pinto ng tinawag niyang elevator ay bumaling na ako sa dalawang babaeng nasa harapan ko.
“Kumusta? Ako nga pala si Priya. Anong mga pangalan niyo?” Nakangiting tanong ko sa kanila. Nagsulyapan pa sila sa isa’t-isa bago muling humarap sa akin.
“Ako po si Mariel.” Sagot ng babaeng maputi ang mukha.
“Ako naman po si Alena.” Sabi naman ng babaeng malusog.
“Ang gaganda naman ng damit niyo, magkapareho pa kayo. Maari ba akong magsuot din ng ganyan para pareho tayong tatlo? Saka gusto ko din ng ganito!”
Hinawakan ko ang nakasabit sa leeg nila. Pinagmasdan ko ang maliit na larawan tapos tumingin ako sa mukha ng nagpakilalang Mariel.
“Kamukha mo ito.” Sambit ko sa kanya. Napakamot siya sa ulo niya.
“Palabiro po pala kayo Mrs. Dela Costa.” Nakangiti niyang
