Kahit masakit ang ginawa sa akin ni Almirah ay umaasa pa rin ako na mahal niya ako at baka may dahilan lang siya dahil sa pagpili niya kay Randy. Kinasuhan din ako ng magulang ni Randy dahil sa ginawa kong pambubog sa kanya pero si Randy na mismo ang umurong sa kaso na isinampa sa akin ng daddy niya at himingi pa siya sa akin ng dispensa. Natanggal din ako sa university dahil doon at kahit sa training center ay inalis nila ako. Dahil sa isang pagkakamali ko lang ay nagbago ang lahat at nawala sa akin. Ngayon at hindi ko alam kung saan ako mag uumpisa at nagsimula na naman ako sa wala.
“Tay, ako na po muna ang papasada ng tricycle." Saad ko kay tatay. Isang linggo na mula ng tanggalin ako sa training center at na kick out ako sa Santiago university.
“Mabuti pa anak at pupunta ako kay par
