"ANO, Miss? Ano ang balak mo?" naiiritang tanong ng taxi driver Kay Aries. Hindi siya nakatugon. Tulala siyang nakatingin sa kawalan habang walang humpay ang pagbagsak ng mga luha.
"Miss!" malakas na tawag muli sa kanya ng driver. "Baliw pa yata," napapabuntong hiningang wika nito. Nagpatuloy ito sa pagmamaneho at ibinaba si Aries sa kung saan ito isinakay. Hindi na nito siningil ang dalaga dahil hindi naman ito makausap nang matino. "Malas!" naiinis na wika ng driver. Iyon sana ang buwena mano niya sa araw na iyon.
Bagsak ang mga balikat na naglakad si Aries hanggang sa tila tinakasan ng lakas ang kanyang mga tuhod. Napaluhod siya at pinagsaklob ang mga palad sa kanyang mukha! Hindi niya alam ang gagawin. Hindi niya alam kung ano na ba ang nangyari kay Marco.
"Aries!" sigaw ni Aling Do
