Kabanata 18
Daniel
"ALAM mo ba talaga kung paano lutuin 'yan?" tanong ni Meagan nang isalang ko ang isang kaserola na may lamang tubig.
Balak ko lang na magpakulo ng tubig para sa instant noodles na nag-iisa lang na kaya kong lutuin, o tama rin bang tawagin 'yon na lutuin kung simpleng pagpapakulo lang ng tubig at paglalagay ng condiments lamang ang gagawin para magawa 'yon.
Medyo gulat man na malaman na pati 'yon ay walang ideya si Meagan ay wala na rin akong reklamo na matiwasay siyang sumama sa 'kin sa kusina at panoorin ang ginagawa ko.
"Maupo ka lang, mayamaya rin ay pwede na 'tong kainin," saad ko iniiwasang maging pormal sa harap niya.
Napagtanto ko kasi kaninang mas matino siyang kausap kapag hindi sa kanyang ipinararamdam na kaiba siya sa taong kaharap na malaking bagay da
