Kabanata 66
NANG matapos akong kumain kasama si Daniel. Dumeretso na kami sa hotel suite ko. Hindi na ako nag-aksaya ng oras nang pagtuunan ko agad ng pansin ang trabahong kailangan ko na ring tapusin. Batid ko kasing mawawalan na naman ako ng oras sa mga susunod na araw dahil tiyak na puputaktihin na naman ako ng mga shareholder na kating-kating maialis ako sa pwesto.
Doon sila nagkakamali. Kahit maglulumpasay silang lahat sa harap ko at gamitin ang lahat ng taktikang alam nila para matanggal lamang ako, hindi pa rin sila magtatagumpay. Walang Hera kung wala ako. 'Di nila mapapanatili ang mataas na kalidad ng mga produktong ako mismo ang tumiyak na kayang makipagsabayan sa merkado.
Una't una pa lang, wala rin naman silang ginawa para mapalago ang kompanya. Ako ang nagsakripisyo at nag
