Chapter 27
SJ's PoV
Tinakpan ko ang tainga ko ng unan nang makarinig ako ng samu't saring ingay. Halo-halong ingay na sa paligid ang naririnig ko.
May iyak ng bata.
Katok sa pintuan.
Pagtawag ni mommy.
Ha? Bata? Napamulat ako ng mata nang maalalang may batang paslit akong iniuwi dito sa bahay. Nakaupo siya sa kama at umiiyak.
"SJ, buksan mo 'to. Sinong bata ang nandiyan?" Sigaw ni mommy mula sa labas habang paulit-ulit ang pagkatok. Tumayo ako at pinagbuksan siya ng pinto.
Agad niyang hinanap ang bata at nanlaki ang mga mata niya nang mahagip ng paningin niya si Calix. Mabilis na naglakad si mommy palapit sa kanya kaya sinundan ko siya. Nagpabalik-balik ang tingin sa amin ni mommy.
"How dare you, SJ!" Nagulat na lang ako nang hampasin ako ni mommy sa braso. "Bakit inilihim mo 'to?
