Epilogue
Tahimik ang buong paligid at wala akong ibang marinig kundi ang mahihinang hampas ng alon sa mga bato. Banayad ito dahil kalmado ang karagatan. Sayang nga lamang at hindi naging ganito ka-banayad ang naging takbo ng buhay namin ni Lally. Sunod-sunod ang malalaking alon na aming kinaharap hanggang sa tuluyan kaming lumubog. Labis ang naging pinsala nito sa amin at hindi alam kung papaano muling makakaahon.
Kulay kahel na ang paligid dahil sa papalubog na araw. Idinuduyan na ako ng hangin nang may marinig akong tawanan ng mga bata habang nagtatakbuhan papalapit sa kinaroroonan ko.
"Lolo SJ!" tawag sa akin ng kambal na sina Hope at Faith. Sabay nila akong hinalikan sa magkabilang pisngi.
"Anong gingawa ninyo rito?" tanong ko sa mga apo ko sa tuhod.
"Dad!"
"Lolo!" sabay na pagta
