Kabanata 17: Miracle
Sharon’s POV
NAKAKAHANGA talaga ang lalaking ito. Nakatingin lang silang dalawa ng kaniyang Lola Lusing dito habang maganang kumakain. Ngayon lang talaga siya nakakita ng ganitong klaseng tao.
“Pancho, hinay-hinay lang sa pagkain lalo na’t hindi pa masyadong naghihilom ang mga sugat mo,” nag-aalalang turan ni Lola Lusing at napabaling naman ito sa kanila at nilunok ang kinakaing manok.
“Maayos na po ang pakiramdam at konting pahinga lang po’y kayang-kaya ko na pong tumulong sa inyo. Masarap po kasi itong Tinolang Manok kaya’t ganadong-ganado po ako,” sambit ni Pancho.
“Talaga? Ano ba’ng masarap ang Tinolak Manok o ang apo ko mismo?”
Napasinghap naman siya sa sinabi ng kaniyang Lola Lusing at alam niyang pulang-pula ang kaniyang mukha.
“Lola!” bulalas niya na ik
