Kabanata 15: Accident
Pavian’s POV
KINABUKASAN ay pinaghandaan nila ang gagawin. Sakay sila ngayon ng isang lumang sasakyan na sinadya nilang bilhin para sa kanilang plano. Magpapanggap siya bilang isang waiter samantalang si Chantal nama’y isang guest sa club.
Nang nakarating sila sa kanilang destinasyon ay ikinabit na niya ang earpiece para makakapag-usap silang dalawa. Inayos din nito ang kaniyang suot at ibinigay sa kaniya ang pekeng identification card na ginawa nito. Mabilis magtrabaho ito at napakapulido kaya’t maraming napepeke.
“Good luck, Pavian. Magtatagumpay tayong dalawa pagkatapos nating makuha si Luciana at patayin. I’m so excited for our celebration after this mission. Paniguradong guguho na naman ang mga pangarap ni Mierpey. Ang kapal talaga ng mukha,” usal nito habang
