July 2013
“PAKSHET!”
Napailing na lang ako nang marinig ko na naman ang mura ni Sunset habang binabasa niya ‘yong isa sa libro niya.
Ang kapal ng libro na 'yon at kahit siguro kapag binasa ko 'yon ay talagang mapapamura na lang din ako. Kahit na hindi ko siya kilala ay sigurado ako na nagka-cramming siya ngayon para sa exams niya dahil katulad ko ay midterms week na rin niya ngayon.
Sa tinagal-tagal kong sumusubaybay sa kan’ya nang palihim ay hindi ko alam kung bakit ni minsan ay hindi man lang siya napapatingin sa akin.
Kahit na noong sinadya kong banggain siya noon na naging dahilan pa para malaglag ang isang libro niya ay hindi man lang siya napatingin sa akin.
Kahit noong isinauli ko 'yong libro niyang nahulog ay hindi man lang niya ako tinapunan ng tingin.
Nagduda na tuloy
