Evangeline
NATIGILAN AKO SA PAGWAWALIS ng sahig nang marinig ko ang sasakyan ni Franco. Mabilis akong pumunta sa pintuan upang salubungin si mama. Kabado ngunit umaasa na naging maayos ang takbo nang usapan nila.
“Ma…” tawag ko sa kanya nang marinig ang mga yapak nito.
“Magluluto ako upang maaga tayong makapaghapunan. Kailangan mong humanda bukas…” Saglit siyang tumigil at huminga ng malalim. “Dahil ooperahan kana bukas.”
Napanganga ako sa sinabi ni mama. Nagtatalon ako sa tuwa at niyakap siya. Narinig ko ang marahan niyang tawa at hinaplos ang likod ko. Ngunit napahiwalay din sa yakap nang mapagtanto ang kanina pang katanungan sa isip ko bago siya umalis ng bahay.
“Na-nakausap mo po ba si Franco?” nag-aalalang tanong ko.
“Nakausap siya. At kung ano man ang magiging desisyon niy
