Kanina pa siya tulala habang pinapanood ang kaibigan niyang halatang nagsasaya sa ginagawa nitong pakikipagsayaw sa mga kaibigan dito sa bar.
Kanina pa siya naguguluhan dahil hindi na niya maintindihan si Emitt at gano’n din ang sarili niya. Paano na ngayon? Bakit pakiramdam niya ay mas mahihirapan siya ngayon. Gusto niyang maliwanagan. Hindi man lang siya makaramdam ng lubos na kasiyahan ngayon.
“Ayos ka lang ba?” tanong ni Brian. Napatingin siya rito dahil mukhang parehas silang hindi makaramdam na maging masaya ngayong gabi.
“Ayos lang naman, ikaw ba?” mahinang tanong niya rito.
“Ayos lang, kasama kita e,” mahina nitong sabi kaya natigilan siya sa sinabi nito.
Gusto talaga siya ni Brian. Hindi man lang ito napagod na kulitin siya habang nasa trabaho sila. Hindi ni
