“Ano na? Wala pa rin bang improvement sa balak mong pang-aakit kay Bryce?” usisa ni Danielle sa kaniya habang magka-video call silang magkakaibigan.
Tinanggal nito ang tuwalyang nakabuhol sa ulo nito. Maya-maya ay sinimulan nitong suklayin ang mahabang buhok na kinulayan ng pula habang pinatutuyo gamit ang hair dryer. Habang siya naman ay abala sa pagpahid ng lotion sa braso.
Kahit gaano sila ka-busy sa kani-kanilang buhay ay sinisiguro nilang nakakapag-usap sila kahit isang beses lang sa isang linggo. At kadalasan ay sa gabi sila nag-uusap bago tuluyang matulog.
“Wala pa. Naging abala ako sa pagbabantay ko sa pamangkin niya. Pero don’t worry, may plano na ako.”
Kumindat siya sa mga kausap at nagpakawala ng isang matamis na ngiti habang itinataas ang mga kilay.
“Tigilan mo na kas
