Gladi POV.
GUSTO ko sanang kausapin si Master M, kaya ako nagtungo sa kanya. Ngunit nahalata kong mainit ang ulo niya, pinili kong huwag na lang tumuloy.
Tumalikod na ako at nagsimulang humakbang palayo, ngunit agad din akong napahinto nang marinig ang boses niya.
“Anong kailangan mo?”
“Ibinigay po ito sa akin… para raw po sa inyo, Master M.” Inabot ko ang sobre at muli akong tumalikod.
“Gladerious, maghanda ka. Uuwi tayo ng Pilipinas mamayang gabi.”
Agad akong humarap sa kanya dahil sa sinabi niya. Naisip ko si Moley kung aalis kami… pati si Orange.
Sandali, wala na ba dito sa bahay ang babaeng iyon?
“Kung ang iniisip mo ay si Moley, nariyan ang kanyang ina.”
“Ibig mo po bang sabihin, maiiwan silang dalawa dito sa bahay?”
“Oo. Tatlong araw lang tayo sa Pilipinas at agad din tayo
