Gladi POV.
MALUNGKOT ako... sobrang lungkot.
Hindi natuloy ang plano naming pamamasyal ni Master M, kasalanan ko rin naman dahil nagawa ko siyang galitin.
Umalis siya nang hindi man lang nagpaalam. Kahit ang numero ng pinsan niyang si Mr. Virgo, hindi rin niya binigay sa akin.
Gusto ko sanang tawagan si Moley, pero hindi ko nagawa. Nahihiya akong magtanong kay Tita Maggie ng numero ni Mr. Virgo… baka mag-usisa pa siya.
Pagsapit ng tanghali, kahit gusto kong matulog hindi ako dalawin ng antok. Kaya tumayo ako at nagtungo sa private room.
Naisip ko na lang ayusin ang mga gamit ni Master M. Kahit hindi na siya rito namamalagi, puno pa rin ng kanyang mga damit ang closet.
Huminga ako nang malalim bago nagsimula na maglinis. Isa-isa kong inilabas ang kanyang mga damit, tutupiin, ihahange
