Kulang nalang ay humiga na ako dito sa loob ng salon na pinuntahan namin nitong byanang kong hilaw. Oo salon. Hindi daw parlor. Salon daw dapat. Yaman! Tutsyal! Aba'y kaninang umaga pa kami dito. Pero malapit ng magdilim hindi pa kami natatapos! Lahat nang mga ginagawa ng mayaman ginawa na nila sa buong katawan ko. Mula buhok hanggang talampakan! Gagawin daw nila akong mukang yayamanin! Gagawin daw nila akong tunay na Diwata! Emeged talaga! Napahagikgik ako.
Iyong buhok kong mahaba na hinabaan pa nila. Extension daw ang tawag doon. Tinanong ko kung magkano iyong ikinabit nilang artificial hair kase ang ganda ganda. Feeling ko serena ako na naging diwata. Pero lumuwa yata iyong mga mata ko ng sabihin nung bakla kung magkano iyon. Singkwenta mil daw iyon. Singkwenta mil! Aba! Ilang pamilya
