Masyado siyang pagod dahil ilang linggo nang maraming mga customers ang dumadagsa sa carenderya kaya naman masyadong bugbog ang kataan niya sa pagod.
" Asia, ayos ka lang ba?" tanong ng kasama niyang si Jeline. Silang dalawa ang magka vibes sa trabaho dahil halos pareho lamang ang kanilang edad.
" Ayos lang ako pero nakakapagod masyado," umupo siya sa upuan na nasa loob ng kitchen nila. Alas tres na ng hapon at iilan na lamang ang kumakain sa carenderia. May iba namang nagsisilbi sa labas kaya sila ni Jeline ay nagpahinga na muna saglit.
Kwento ni Jeline, gusto raw talaga nitong ituloy ang pag-aaral pero dahil kapos sa pera ay napilitan itong tumigil noong gumradweyt ito sa high school kaya pagiging waitress sa carenderia ang binagsak nito. Maganda at sexy rin si Jeline, nasasayangan ng
