Chapter 22
Hannah’s Memories
NAKAPIKIT na kinapa ni Princess ang pinakamalapit sa kanyang unan atsaka niyapos iyon ng mahigpit. Tapos ay kumportable siyang humarap sa isang banda ng kama at iniangat ang kumot na tumatabing sa katawan niya hanggang sa may leeg niya. Naramdaman niya kasing parang mas malamig yata ngayon sa kwarto niya. Parang may aircon. Kakaiba din nga yata ang amoy niyon. Parang mas mabango kaysa sa natural na amoy ng kwarto niya. Pati yata kama niya, mas malambot kaysa sa nakasanayan niya.
‘Teka, kwarto ko naman ‘to ‘di ba?’ Tanong niya sa sarili habang tinatamad na imulat ang kanyang mga mata. Inaantok pa kasi siya talaga. ‘Bakit naman ako mapupunta sa ibang kwarto, ‘di ba?’
Tumihaya siya ngunit nanatiling nakapikit pa’rin ang mga mata niya. Mabigat ang mga taluka
