Kahapon pa natapos ang ika-siyam ng tatay simula noong namatay ito. May mga dumalo sa munting handaang hinanda nila pero ang mga dumalo lamang ay ang mga nakatira malapit sa kanila. Kahapon dapat ay pupunta rin sa kanila si Eros ngunit pinigilan siya ni Meredith.
Nalaman ng nanay niya na si Eros ang nagbigay ng mga bulaklak noong nakaraang araw kaya natatakot siya na kapag pumunta ito sa kanila ay mas lalong mag-iba ang isipin ng nanay niya. Kung siya lang ang mag-iisip na may namamagitan sa kanila ni Eros, wala iyong problema. Kaya lang, kung ibang tao na, hindi siya komportable. Ayaw niyang magmukhang malandi sa mata ng iba kahit pa may kaunting katotohanan iyon, lalo na kung pagdating kay Eros.
Kalalabas lang ni Meredith sa c.r. nilang nagawa na rin niyang maipaayos. Hindi na siya kak
