"Congratulations po, Mang Kulas. Malaya na po kayo."
Tumango ang matanda kay Elena. Masayang-masaya ito dahil sa wakas ay makakasama na nito ang asawa. Humigpit ang pagkakahawak ni Paul sa baywang niya. Nilingon niya ito at nginitian.
"You did the right thing."
"I know, Bel." Maangas na wika nito. Agad silang nagpunta sa bahay na binili ng binata para sa mag-asawa. Kompleto na ang kagamitan nito at may nakaimbak na ring mga pagkain.
Inilibot ni Paul ang mag-asawa sa paligid ng bahay habang siya naman ay inaayos ang mga gamit na gagamitin katulong ang isang apo ni Mang Kulas. Kasalukuyan itong nagwawalis sa sala. Napagpasyahan na niyang magluto ng tanghalian kahit alas nuwebe pa lang.
"Bok, hali ka. May tinapay at juice dito."
Agad na tumakbo ang bata papalapit sa kanya at niyakap
